emitindo dende o ceo en contra da Contra

Quien te ha visto y quien te ve

2009-02-03T13:59:00.002Z

A continuación, un cartaz eleitoral (antigo) do nº 2 do PP pola circunscripción eleitoral d´A Coruña.

gallego = la ETA

2009-01-31T21:14:00.004Z

Pois si, para @s señoras e señores da asociación española AVT (Asociación de Víctimas del Terrorismo) apoiar a lingua galega é sinónimo de apoiar a ETA. [Ver nova en Xornal.com]

E isto ven a conto porque a AVT fixo público que acudirá a unha manifestación galegófoba convocada por Galicia Bilingüe. A resposta desta última organización non ten desperdicio tampouco, para esta xente, as afirmacións da AVT non son máis que un xesto de solidariedade con Galicia Bilingüe [ver nova en Galiciae].
Namentres tanto, o PP de Galicia di que vai acudir a dita manifestación, para impedir que ás crianzas se lles separe polo seu idioma [ver en El País] e todo isto sen deixar de afirmar que "son galeguistas e van ir ás eleccións coa cara descuberta" [ver en Vieiros]
Outras das organizacións que apoian a manifestación é Tan gallego como el gazpacho que chama a un Alzamento popular contra la legalidad [ver].

Dende M993 ante todo isto, non pode facer máis que rirse (por non chorar) do tema cun debuxiño:

Evo, amigo, o pobo dixo SI!

2009-01-27T12:35:00.004Z

Evo Morales: “Aquí terminó el estado colonial”
+ info: aquí (inSurGente) aquí (aporrea -contén outro video-)
N´oraboa a todo o pobo Boliviano.
Unha gran nova para tod@s @s antiimperialistas do mundo!

Allariz, aquel agosto do 89

2009-01-13T18:00:00.001Z

En M993 estamos de estrea, de vez en cando iremos deixando aquí algún documental que consideremos que mereza a pena.
Comezamos con Allariz, aquel agosto do 89, documental que nos narra a través de entrevistas, imaxes do 89 e unha mesa redonda entre veciñ@s como foi a chamada "revolta de Allariz"
Boa vista!

unha imaxe, 800 mortos.

2009-01-10T12:31:00.004Z

Non hai nada máis aclaratorio que unha imaxe.
Desde esta páxina que recolle os datos emitidos pola BBC, amósanos un tráxico contador. O contador de mortes nesta última agresión do estado de Israel a Gaza.
A imaxe a tal hora é a que segue:

Arriba, no primeiro bloque, @s mort@s israelís, e a continuación, no segundo, @s mortos palestinian@s.

Catro imaxes valen máis que mil palabras.

2008-12-30T14:12:00.005Z

ETAPA 1 (1917-1946). Imaxe da esquerda. O 2 de novembro de 1917, o Reino Unido fixo pública a Declaración de Balfour, pola que se declaraba favorábel aos plans sionistas de crear un fogar nacional xudeo en Palestina. Despois da Primeira Guerra Mundial, a Liga de Nacións aprobou o Mandato Británico de Palestina coas intencións expuostas. Comeza a entrada continuada de xudeos en Palestina.
ETAPA 2. Imaxe da dereita. En 1947, a Organización das Nacións Unidas aprobou a partición de Palestina en dous estados, un xudeo e un árabe.

ETAPA 3 (1949-1967). Image da esquerda. O 14 de maio de 1948 expirou o Mandato británico de Palestina. Acto seguido, os xudeos proclamaron a independencia do Estado de Israel na súa parte do territorio outorgada polo Plan de Partición das Nacións Unidas (1947). Tras a Guerra árabe-israelí de 1948, en 1949 Israel aumentou o seu territorio en cerca de un 23% máis do asignado inicialmente polas Naciones Unidas. En 1967 tivo lugar a Guerra dos Seis Días, na que Israel lanzou un ataque preventivo contra Exipto, Siria e Jordania. Os israelís tomaron o control de Cisxordania e Gaza, conquistaron os Altos do Golán (Siria), a península do Sinaí e anexionaronse Xerusalén Este (incluida a Ciudade Vella).
ETAPA 4 (1968-2000). Imaxe da dereita. Até 1977, crearonse 30 asentamientos de colonos xudeos nos que vivían unos 5.000 habitantes. En 1978, tras os acordos de Camp David, Israel devolveu o Sinaí a Egipto. En 1980, Israel promulga unha lei que declara que todo Xerusalén, incluida la parte oriental y una amplia zona periférica, como «capital eterna e indivisible» del Estado de Israel.

Non fai falla emitir ningún xuizo de valor, vendo a historia, os datos incuestionábeis, e as imaxes dos mapas territoriais, queda bastante claro quen son os terroristas no conflito xudeo-palestiniano.

no nadal do 2009

2008-12-24T00:28:00.002Z

Parece ser que @s do PP de Arzúa están un pouco despistad@s, parece que non saben nin no ano no que viven.
Dende a súa páxina web, desexánlle aos seus visitantes, un feliz nadal 09.

Así lles vai, pobres.

Don´t manuel returns

2008-12-13T14:24:00.001Z

Fraga, ese fascista (máis unha vez)

2008-12-01T10:04:00.003Z

"Franco era severo, pero nunca fue un criminal que yo sepa"
Manuel Fraga, intervención nun taller chamado "Escuela y Democracia".
ver a nova completa aquí (Diario del alto Aragón)

A pequena morte

2008-11-25T23:56:00.003Z

A petite morte, ou le petit mort traducido ao galego como a pequena morte, é un termo usado para designar o momento no que algunhas mulleres ao acadar o orgasmo perden a conciencia durante uns segundos e se queda en coma durante uns instantes.
O orgasmo femenino tamén é chamado por outr@s a fermosa agonía.
Con estes termos xoga o seguinte anuncio dunha marca de productos eróticos.

Non deixa de ser un anuncio publicitario, pero dende aquí, non facemos máis que recomendarvos que o vexades.

Heducación escríbese con H

2008-11-25T06:36:00.003Z

Hoxe enterome vía insurgente, que no Consello de Ministros do psoE, Heducación, escríbese con H. Ata hai unha páxina web e todo con este leimotiv : heducacion.com

Só hai que ver o video para asustarse.
PD: despois ríamonos da outra por dicir Sara Mago...

En Galicia, en Bilingüe.

2008-11-24T17:57:00.004Z

Días atrás, publicaban en GzNacion unha viñeta humorística mofándose de Feijoo e do seu "bilingüísmo":

Pois vese que a xente que leva o seu videoblog, feijoo.tv, para non estar a mal co personaxe en cuestión, ultilizan a mesma lingua que o Feijoo:

Quédanos a tod@s claro, que o lider da franquicia do PP en Galiza cree nunha Galicia trabajalladora:

(premer para apliar)

video dos comités

2008-11-16T12:25:00.002Z

Os comités, a organización nacionalista no ensino ven de presentar un video de animación ante a folga estudantil do do 19 de novembro.

Parabéns aos comités pola iniciativa!
19 de novembro: folga estudantil!

Cen por Dez

2008-11-02T12:36:00.002Z

Cen por dez. Esas son as cantidades que nos ofrece o portal safe 4 now por uns preservativos.
Cen condóns por dez euros.
É unha iniciativa europea feita con vistas ao mundo da prostitución, pero evidentemente non descarta a ninguen.
Se alguen que lea este blog e practica o sexo de forma segura con preservativo e faino máis ou menos a miudo esta pode ser unha boa noticia.
Podes acceder á páxina de safe 4 now aquí

Vivamos como galegos 3 (NY City)

2008-10-30T11:10:00.006Z

~~Actualización~~ rectificar é de sabios:
Fai días viamos no blog de Riki o último anuncio de GADIS, agora ~~este blog~~ o blog da ghaiteira anticípase a Riki e recolleu o video da terceira saga que tamén vos amoso aquí.

PPignoise (ruido de PPorcos) - Actualización -

2008-10-29T20:28:00.005Z

Pois parece ser que o PP do País Vasco se quere modernizar.
E para iso, unha cousa nunca vista (segundo o director de campaña): musica en ~~playback~~ ao vivo nos seus actos políticos.
- Que guay Borjamari telojuro osea se sale! un concierto de Punk destroy! - Dicíalle unha moza antes de entrar ao acto.

Aí o tedes: Pignoise tocando para o PP. Xa daba noxo Pignoise de por si, agora fan méritos.
Merce a pena velo.
Ah, non intentedes ver dúas personas que aplaudan ao mesmo ritmo, non as ides atopar.

Para ver o video do xefe de campaña, ideólogo da política PoP [aquí]

Pensei que o peinado de Paul (o do tekken) era imposíbel de lucir, pero grazas ao PP vasco e a pignoise vemos que non.

Actualizo recollendo o comentario de leon na que se parodia o video con Sarri Sarri, canción que sen dúbida coñecen máis os xovenes vascos (e os non tan vascos)

pres@s e incomunicación

2008-10-24T21:07:00.003+01:00

Moit@s de nós vimos a pelicula En el nombre del padre. A maioria quedamos conmocionados despois da película. Como podían os británicos secuestrar a unha persona durante non sei cantos días sen proba ningunha, sen poder falar cun avogado? Como se atrevían a secuestrar e torturar a unha persona ata facela asinar unha sentencia?
Que aberración!
Afortunadamente, iso era antes, nun país remoto, en Inglaterra, aquí (pensabamos de pequen@s) vivimos nun rexime de liberdades e garantías democráticas nas que non se consentiría tal cousa.

Desgrazadamente, o neno de EXB que viu esa película equivocábase. Mas non era a súa culpa, el non tiña por que saber o que os medios e os ~~políticos~~ medios nos ocultan.
A incomunicación, tamén e unha realidade no estado español.
Estes días foron uns días no que o tema volveu a sair ao debate. Desta vez non foi ningunha persoa de Amnistía Internacional, nin ningunha representante dun organismo antirepresivo, nin unha rolda de prensa dos terroristas de Batasuna.
Desta vez foi Martin Scheinin, o relator especial da ONU para os dereitos humans e a loita antiterrorista o que sacou o tema a palestra.
Este señor, que non ten pintas de ser un izquierdista radical islamista recordoulle ao goberno do PSOE o que moit@s dende o Estado español e dende fóra das súas fronteiras se viña denunciando.
Por agora, creo que non houbo resposta por parte dos dirixentes políticos nin pola "oposición"

Ver nova completa: (insurgente)

Bonus Track

Hautsitako Leihoa: un pequeno documental dirixido por Eñaut Tolosa e Hammuid al-Rahmoun que se centra na aplicación da Lei do Menor a mozas e mozos de Euskal Herria acusados de participaren na Kale Borroka.

COPE, esa emisora fascista

2008-10-21T21:01:00.003+01:00

Máis unha vez escoitamos na radio dos ~~curas~~ da conferencia episcopal un audio que non pode ter outro calificativo que repugnante.
Escoitamos como no seu programa de "humor" se mofan das víctimas do franquismo e ata frivolizan coas mortes causadas pola dictadura de Pinochet.

[aquí para escoitar o audio]

PD: A modo de reflexión: imaxinádesvos que alguén se rie na radio de personas como Irene Villa, Miguel Angel Blanco ou calquera outra víctima de ETA?

Recuncho literario

2008-10-13T11:25:00.003+01:00

Nace unha nova sección neste blog, o recuncho literario. Dende aquí, irei comentando e recomendando libros que imos lendo na base espacial e que nos chaman á atención.

Para inagurar esta sección comezarei cun libro un tanto atípico.

Título: ¡Viva el Mal! ¡Viva el Capital!
Autor: Santiago Alba Rico
Editorial Virus, 1992
155 páxinas

O libro en cuestión é unha selección de guións da serie para nen@s Los electroduendes, 12 guións deses bichiños saltinbanquis que se foron a convertir nunha especie de fábula de marxismo satírico para moit@s nen@s.

Lectoras e lectores deste blog, non recordarán xa os electroduendes, outr@s moitos si.
Os máis pequerrech@s recordábamolos como un simple programa para nen@s dentro de La Bola de Cristal. As nosas nais sabían e saben, que detrás desas marionetas, había moito máis que un simple programa para nenos.
Pero a ninguén lle importaba.
Ninguén temía por que un neno de catro ou cinco anos se volvese un bolchevique militante mirando a televisión. Iso non ía suceder.
Hoxe pasa todo o contrario. Como ben di na contracapa do libro, un mundo en crise, é un mundo que non se deixa caricaturizar. Hoxe en día a programación para as crianzas e estúpida, sen contido, sen crítica, sen ironía, sen nada que procure despertar o máis mínimo sentido dun cativo.
So mirar, e pasmar para os coloríns. E aínda así, non deixan os coloríns de ter problemas.
Se un "teletubi" e lila, os nenos que miran para el van saír maricóns, se dous "lunis" do mesmo sexo se casan idem. A polémica está servida. Como vedes, os programas para pícar@s hoxe en día tamén estan politizadisimos.

La Bola de Cristal en xeral, e Los electroduendes en específico eran outra cousa.
A crítica, a suspicacia, a ironía, dos seus realizadores e guionistas non deixaban títere con cabeza; a lei corcuera, a reforma do código penal, o sistema de clases, o imperialismo, ... todo esto era cuestionado a través dunhas feas marionetas que encarnaban aos trasnos da modernidade.
O personaxe malvado da serie, A bruxa avería, era a representación mesma do capitalismo, Viva el Mal, Viva el Capital! expresión que da título a esta obra, era a frase que máis dicía a malvada bruxa.

Hoxe en día, un programa así para nen@s sería inconcevíbel, incluso o rock en galego foi demasiado subversivo para o noso presidente, e así mandou chapodar o que era o clube xabarín.
Houbo un tempo (que durou ben pouco) na que @s nen@s do Estado Español tiveron un chisco máis de sorte.

What a indefensión!

2008-10-08T12:53:00.002+01:00

A Xunta aproba de modo definitivo o PXOM de Arzúa [El Correo]
Política territorial da luz verde a entrada en vigor do PXOM de Arzúa [La Voz]

Dende M993 solidarizámonos con todos aqueles que quedaron sen defensión e que non van poder facer sextos pisos.

Dende M993 tamén pedimos disculpas pola falta de actualización debido a motivos múltiples.

Arzúa terra de pan

2008-09-23T20:49:00.008+01:00

A sega, a malla, a moenda e a fornada compuñan en Galiza o ciclo anual da recolleita e manufactura tradicional do pan trigo e do pan de centeo. Ao redor destas xornadas de traballos rurais desenvolvíanse unha boa parte das relacións e da participación das persoas nas súas comunidades.
O audiovisual "Arzúa: terra de pan" amosa a recuperacion destas tradicións, da man da Asociación Ánxel Casal de Arzúa. Todos os anos as veciñas e veciños dunha parroquia dun concello, rememoran o que xa hoxe é unha festa da labranza na que interveñen vellos e novos, mulleres e homes, os emigrados e aqueles forasteiros que se achegan a botar unha man e xantar co pan de Arzúa.
É unha producción do CIDACOM para a Asoc. Anxel Casal, patrocinada pola Sociedade para o desenvolvemento Comarcal de Galiza e a Consellería de Medio Rural.

Esta é a sipnose que nos prseenta o DVD "Arzúa, terra de pan" un documental de algo máis de 15 minutos que nos amosa como se realiza a máis importante actividade anual da asociación Ánxel Casal de Arzúa: As xornadas do pan.

Agora, dende M993 tod@s aqueles que non dispoñan deste DVD, poden velo na rede. Agardamos que o disfrutedes!

[arquivos adicionais:] [picar nas imaxes para ampliar]

A cita:

2008-09-23T11:32:00.003+01:00

"yo estoy convencido de que la inmensa mayoría de jóvenes españoles son del Partido Popular y aún no lo saben. Si es que en el pleno siglo XXI no puede estar de moda ser de izquierdas. ¡Pero si son unos carcas! Están todo el día con la guerra del abuelo, con las fosas de no se quien, con la memoria histórica, con la, con el aborto, con la eutanasia, con la muerte, ¡cantando la internacional!. Pero si la internacional se cantaba cuando el comunismo dejó cien millones de muertos en el añ, en el siglo pasado. Pero que es esto por favor! Los modernos somos nosotros nosotros no idolatramos a asesinos como el Che Guevara, idolatramos mártires como Miguel Angel Blanco"

Pablo Casado. De Nuevas Generaciones de Madrid (xuventudes do PP)

Non vou comentar nada. Se tal deixovolo a vós.

[podes escoitala aquí ]

Máis novas sobre o tema do IES Arzúa

2008-09-23T09:04:00.003+01:00

A CIG esixe a incorporación dos dous docentes especializados denegados ao IES de Arzúa [La Voz]

PP de Arzúa: unha chapuza

2008-09-22T12:59:00.002+01:00

esta é a moción que segundo nos informa PPdearzua.es se presenta ante o pleno do Concello de Arzúa. Ver para crer. Aparte das sandeces que di no texto, o máis relevante é a falta de consideración que teñen no PP de Arzúa pola presentación e a ortografía.
Non terán un minuto para ler as cousas antes de publicalas?

Que vienen los Rojos (de mierda)

2008-09-18T23:14:00.004+01:00

Máis unha vez, un alcalde do PP recórdanos que é alcalde de un partido fascista. "Rojo" é un insulto para este señor, é máis, "rojo de mierda" por se non quedaba claro.

Eso si que é un exemplo de talante e disposición de amañar as cousas por parte dun alcalde ante un conflicto laboral de transcendencia tan grande e incluso violenta (violencia por parte dos manifestantes e violencia policial indiscriminada). Así da gusto.

Podes escoitalo aquí [Vieiros]

Máis perlas de este alcalde:
En Vilanova no haberá "galegoescolas" - (que riman con ikastolas) - [La Voz]

VAya Semanita

2008-09-18T23:14:00.003+01:00

Volve o magnifico programa de humor que tantas horas de risas nos agasallou. O seu video promocional é boísimo, non podía ser doutra maneira.

PD: recordame a algún que sei eu saltando no bar cando marcaba "La Roja (y gualda)"

suma e segue

2008-09-18T23:14:00.001+01:00

O supremo tamén ilegaliza PCTV-EHAK [gara]

Conselleira de educación: SUSPENSA

2008-09-18T09:29:00.005+01:00

É unha das grandes descoñecidas do goberno Touriño. É unha das conselleiras menos coñecidas da Xunta de GaliZa. E non me extraña. As ordes do seu partido (si se lle pode chamar partido ao PsdeG-PsoE) irían na liña da táctica da avestruz: agocha a cabeza, que non te vexan.

E non é de extrañar. Poucas son as medidas desatinadas que esta muller está levando a cabo:
Non velar polo cumplimento do decreto do galego nos bacharelatos, Subir as taxas académicas na universidade, reformular dito sistema de taxas para que pagues cada ano máis, meter de cheo a Galiza no EEES, aplicar un novo decreto para meter máis relixión e menos filosofía no bacharelato, etc. etc.

Pero hoxe, lemos a prensa e sorprendémonos, que en Arzúa tamén están un pouco mosqueadiñ@s con ela:

Dimite en pleno a directiva do IES de Arzúa pola falta de profesorado Educación notificou a dous días de empezar o curso que denegaba dous docentes para segundo e terceiro de ESO [La Voz]

Logo un, que segue a ler a prensa ve outra nova relacionada coa conselleira en cuestión:

Centos de profesores concéntranse ante Educación para protestar contra o despedimento de profesores interinos [GzNacion]

Novas relacionadas:
Máis de 300 profesores e profesoras concéntranse contra os despedimentos dos interinos e interinas CIG-Ensino exixe a súa recolocación e que se dea solución aos problemas existentes [CIG-Ensino]

Antiimperialismo.

2008-09-17T19:16:00.003+01:00

A continuación, un artigo de Bieito Lobeira, deputado do BNG, publicado en GzNación. Polo seu interese, recoméndovos a súa lectura.

ANTI-IMPERIALISMO

Seica non é palabra “de moda” en círculos elegantes e distinguidos. Nin nos ámbitos empeñados en presentar unha faciana amábel do Estado español, da Europa e do mundo, nesa fantástica “alianza de civilizacións” na que nos toca viver. Mais afortunadamente existe, e define un amplo e diverso movimento, a escala planetaria, comprometido coa liberación dos pobos e a transformación do modelo económico predominante.

Tiven a honra de representar ao BNG na 32º Edición da Festa do Avante!, organizada polo Partido Comunista Portugués na Atalia-Amora-Seixal, os pasados 5, 6 e 7 de Setembro. A presenza –xa tradicional- do nacionalismo galego neste evento supuxo tamén unha oportunidade para dar a coñecer, e proxectar no plano internacional, a existencia de Galiza como nación e do BNG como organización política, mais tamén para intercambiar experiencias e información con outros partidos, frentes e organizacións que compartillan outro modelo económico e social, alternativo ao capitalismo a escala mundial (imperialismo), para a humanidade.

Forzas políticas anti-imperialistas, de diverso signo ideolóxico, da Palestina, Bolivia, Timor Leste, Venezuela, Cuba, Brasil, Cabo Verde, Irlanda, Irán, Sahara, Uruguai ou o Vietname, entre outros, pertecentes a nacións con ou sen estado, como Galiza, participaron durante eses días -desde o respecto recíproco, a solidariedade e a amizade internacionalista- en encontros de debate e análise a respecto da situación actual da humanidade, das agresións imperialistas, e dos procesos revolucionarios que se levan a cabo nos diversos países.

Teño que recoñecer que foi bon comprobar, desde unha perspectiva nacionalista, como a defensa dos principios de autodeterminación e soberanía dos pobos, inseparábeis dun auténtico conceito de Democracia, xeraron unanimidades entre os presentes, como a mellor arma para combater a hexemonía mundial, nos planos económico e militar dos Estados Unidos. E para combater un sistema que xera guerra, dominación, desigualdade, e condea á fame e á miseria ás tres cuartas partes da humanidade.

É bon saber que o nacionalismo galego non está só na loita por un mundo xusto conformado por nacións libres, ainda que haxa quen nos faga crer xustamente iso. Afortunadamente temos aliados. Mais tamén temos que ser conscientes de que a mellor contribución que podemos facer para conquistar ese nobre obxectivo, é traballar, na nosa Patria, polo noso propio futuro en liberdade. Esa será a nosa mellor achega. Anti-imperialismo activo, dende Galiza.

Arzúa es una ciudad!

2008-09-17T09:45:00.003+01:00

Arzúa é unha cidade, Boimorto, O Pino e Touro son a súa área metropolitana (iso deduzoo eu) e ten uns cantóns que están fronte un Obelisco.
Ou moito cambiou Arzúa e eu non o percibin, ou @s do PP de Arzúa xa non saben copiar e pegar.

Vale que levan tempo sen actualizar e calquera cousa vale para por nesa páxina, pero completar un pouquiño as cousas despois de pegalas no blog non leva moito tempo e non custa nada (algo así como trinta segundos que costa poñer o texto de: en la ciudad de LA Coruña).

Copio e pego da páxina do PP de Arzúa:

GALICIA EN VOZ ALTA

Este miércoles 17 de septiembre se desarrollará la Campaña 'GALICIA EN VOZ ALTA', en la que se instalará una carpa informativa en los Cantones (frente al Obelisco) de 12 de la mañana a 8 de la tarde. Habrá presencia de concejales y concejalas del PP durante todo el día y queremos fomentar la visita de afiliados y simpatizantes del PP a la carpa a lo largo de toda la jornada, así como de todos los ciudadanos que lo deseen. En la carpa habrá documentación del los incumplimientos del Gobierno bipartito de la Xunta de Galicia con nuestra ciudad y el área metropolitana. Contaremos con la presencia de Alberto Núñez, de Carlos Negreira y de los cargos electos de la comarca.
Publicado por Partido Popular de Arzúa en 14:30 0 comentarios.
E por se o corrixen, aquí queda unha proba gráfica para que ninguén das miñas e dos meus asidu@s lectoras e lectores pense que son un mentireiro:

O poder xudicial español ilegaliza ANV

2008-09-16T20:39:00.002+01:00

Pois si, a ninguén lle sorprenderá, moit@s estarán a favor, e moit@s en contra. Pero hoxe 16 de setembro do 2008, o Tribunal Supremo español ilegalizou a un dos partidos máis vellos de Europa, fundado en 1930.

Algunhas novas relacionadas:

El Tribunal Supremo ilegaliza ANV y acuerda su disolución [gara]

Pequena introdución a historia de ANV [kaos en la red]

ANV na wikipedia

E para rematar, unha viñeta de Tasio, publicada hoxe mesmo, polo tanto, feita antes de que se ditase a sentencia, que tod@s coñecíamos.

Por se acaso ten dúbidas.

2008-09-15T10:14:00.002+01:00

Por se acaso ten dúbidas o embaixador estadounidense en Venezuela, instaláronse unhas novas sinais. Dende a base espacial poidemos capturar algunhas imaxes como a seguinte:

Xa o di el por tod@s nós!

2008-09-13T07:08:00.004+01:00

Dende que publico esta entrada quédanlle 53 horas e restando!! (segundo os meus cálculos aproximados)

De novo, os pobos volven a berrar: Yankee Go Home!!

Recomendacións: Para saber o acontecer diario da Revolución Bolivariana visiten aporrea.org

Actualizo: Un video dunha enorme canción de Alí Primera: Yankee go home!

11 de Setembro

2008-09-11T17:32:00.005+01:00

Dende hai sete anos para aquí, a maioría recorda o 11 de Setembro únicamente como o día no que as Torres Xemelas sufriron o ataque que maior número de mortes deixou en solo norteamericano.
Pero para moit@s outr@s, o 11 de Setembro supon un día para rememorar outras datas:

Moit@s recordamos este día, como o día en que os EUA cometeron o golpe de estado contra Chile, e asasinaron ao seu presidente, Salvador Allende.

Para outr@s, @s cataláns e catalanas, é un día de celebración, é o seu día, a Diada, poderiamos dicir que é o Día da Patria Catalana. A todo o pobo catalán, desexarlles un feliz día de memoria e loita.

Nada máis por esta entrada, estou un pouco preguiceiro, non me apetece escribir máis.

parabéns Chano.

2008-09-10T09:23:00.002+01:00

Chano Rodríguez é unha vez máis un exemplo de superación personal.
O veterano nadador, veu a acadar o que sería a primeira medalla para Galiza nestes xogos olímpicos.
Chano non é unha persona normal, é sen lugar a dúbidas un tipo destes que ten que ter algo.
Gaditano de nacemento, anque galego de corazón.
Estivo no cárcere, participou nunha folga de fame que o deixou minusválido. Aínda así, non perdeu as ganas de vivir, os tres ouros, unha prata e un bronce son unha demostración da súa coraxe.

Novas relacionadas con Chano:
Nova da súa última medalla [en GzNación]
Unhas pequenas notas biográficas [La Voz digital de Cadiz]
A "democracia" española non permite que Chano vaia nas listas do BNG ás eleccións [Reportero digial de Vigo]

Adiante!

2008-09-06T13:31:00.001+01:00

Don Manuel Fraga, ese fascista

2008-09-05T14:38:00.002+01:00

É sabido por tod@s (tod@s os que alomenos teñan un mínimo de cultura ou de coñecementos históricos) que Don Manuel Fraga é un fascista. O que foi ministro de Franco, fundador do Partido Popular e presidente da Xunta de Galiza, nunca nos sorprendeu nese aspecto, nunca deixou lugar a ningún tipo de dúbidas.
É por iso que de cando en cando, se encarga de recordarnolo facendo algunha que outra declaración ou entrevista á prensa.
Desta vez, falando do golpe de estado fascista que se coñecería como a Guerra Civil Española, Fraga declara, algo moi "obvio" que tod@s sabemos:

Fraga: "Del otro bando hubo muchas más barrabasadas, como es obvio"

A guerra que se aveciña

2008-09-04T14:51:00.003+01:00

As raices do pino macho entran en territorio melidao asi que é noso, e o bareta é cuestion de tempo...
Declaracións coma esta non son máis que unha provoación ao glorioso pobo arzuán.
O comité de propaganda está a poñer a andar as rotativas para preparar a vitoriosa defensa que se aveciña.

A visión de Tasio

2008-09-01T12:41:00.006+01:00

Tasio é o nome co que asina o humorista gráfico do xornal basco Gara. As súas tiras reflexan de maneira moi explícita, pero sen perder o sentido do humor a realidade do mundo. Comezamos unha nova sección, na que iremos recollendo as viñetas que chamen a nosa atención.

Un dato máis sobre o PSdeG

2008-08-29T22:51:00.002+01:00

Para a quen lle interese, anoto máis un titular relacionado co PSdeG.

Detido o candidato do PSOE de San Amaro como presunto autor dunha estafa na Coruña [Ler nova completa en La Voz de Galicia]

Gracias a Dios. No hay Luther kings en La Coruña!

2008-08-27T14:01:00.004+01:00

Tod@s aqueles que residan na Coruña poden descansar tranquilos. O delegado do Goberno Español na Coruña, o socialista Manuel Ameijeiras descarta totalmente a súa presencia.

[Preme na imaxe para acceder á nova completa]

Por se entra neste blog calquera persona que non sepa a diferencia entre os Latin Kings e Luther King, deixolle aquí un enlace para que saia de dúbidas.

Alterpublicidade

2008-08-25T22:35:00.003+01:00

Preguntarédesvos a que ven este repentino chamento de boicot á rede de comida-lixo que se comenta na imaxe.
Pois aparte de por facervos un favor á vosa saude, dende o espazo exterior chamamos ao boicot a telepizza pola seguinte nova :

Fundador de Telepizza pide un golpe militar en Cuba. [pinchar para ver]

Todo é ilegal

2008-08-22T14:32:00.004+01:00

@s que estamos afeitos a ver novas sobre a vila de Arzúa, sabemos que a maioría das cousas que hai nese concello son ilegais.
Dende a praza da vila, que se chama Praza de Galiza (ojo con Z), ou un PXOM tamén ilegal, pasando pola Festa dos Botes (que trae grupos de rock que posiblemente presuntamente hacen, quizás quien sabe, apología al terrorismo) ata os turistas que veñen no verán dende Barakaltown ou terras terroristas similares.
Pero dende o ceo, aquí na estación percatámonos dunha cousa que rápidamente o PP local se encargou de sinalar:

É MOI POSÍBEL QUE O PARQUE ONDE XOGAN @S NEN@S SEXA ILEGAL!

Din as malas linguas que hai moitos nen@s no parque que falan galego, e iso é o peor que lle podería pasar ás nosas criaturas, que falaran con eses monstruos (que tamén deberían de ser ilegais) e rematasen falando ese burdo dialecto del noroeste.
Xa o dicían Marx e Engels (o gran esquecido) Nais e pais de todos os países: unídevos!!
Buf, non queremos nin pensar o que vai iser cando en Arzúa monten unha Galescola (que rima con ikastola)

Evidentemente, daríadesvos conta, que estamos emitindo dende o ceo unha entrada de coña, ninguén podería dicir que o parque de Arzúa é ilegal... ninguén? Estades segur@s?

Noticia real de La Voz de Galicia:
O PP cre que o parque infantil de Arzúa está nunha situación ilegal

O PP segue de caza

2008-08-15T13:27:00.004+01:00

A caza de bruxas continúa. Nos EUA no século pasado, a caza comezábase co berro: ei! que é comunista!
No Estado Español no s. XXI a caza comézase con outro berro: ei! de la ETA!!
Xa en Arzúa tiveramos noticias desa caza de bruxas, agora a batida é a nivel nacional. Por sorte, os cartuchos do PP, soen case sempre estar mollados de demagoxia, e como sabemos, con cartuchos mollados, a pólvora non explota.

O PPdeG quere saber se a Xunta financiou os concerto da Banda Bassotti. (La Voz)

A foto da semana

2008-08-13T20:57:00.005+01:00

Manipula que algo queda...
... ou iso deberon pensar as e os responsábeis do PP Arzuán ao poñer na súa web e mandarlle aos medios algunha que outra foto que, digamolo de maneira sutil, falsea á verdade.

A foto en cuestión é esta que se presenta, que poidemos ver con claridade en La Voz de Galicia e que tamén se atopa no blog do PP local.
Calquera de nós pode ir hoxe mesmo a Burres, e mirar se na pista deportiva que se nos presenta na foto hai ese tobogán tan bonito (retirado dende fai aproximadamente un ano) ou ese boquete no chan.
Estes do PP deben pensar que somos tod@s parv@s, senón non lle atopo explicación. Xa o di o refraneiro, pensa o ladrón, que son todos da súa condición...

Dende o "truco fotográfico" de sacarlle catro fotos ao mesmo bidón de aceite para dicir que había un vertedoiro nunca tal cousa vira.
Quen sabe o que nos deparará o futuro...?

Ampliación:

O goberno de Arzúa acusa á portavoz do PP de mentir sobre o estado da pista deportiva de Burres. (La Voz de Galicia)

in memoriam, Moncho.

2008-08-13T10:54:00.002+01:00

Creo que a día de hoxe hai pouco que non esté dito xa sobre este mozo, Xosé Ramón Reboiras Noia, asasinado pola policía española, morto para que Galiza viva!

Demócratas de toda la vida

2008-08-04T11:30:00.004+01:00

Vemos máis unha vez, como o PP saca peito e homenaxea directamente ao franquismo. Vemos como máis unha vez o PP fai alarde de fascismo.
Despois hai quen na súa páxina di que algúns son máis dictadores que Paco. Manda truco.
Vemos como o PP de Baiona, fai un homenaxe a cinco alcaldes do franquismo. Vemos como se rin máis unha vez de todas as víctimas desa traxedia que foi a chamada Guerra Civil española.

links:
Cinco alcaldes del franquismo reciben la medalla de Baiona - El PaísBaiona homenaxea cinco alcaldes franquistas. - El País
Baiona homenaxea cinco alcaldes franquistas. - Vieiros

Que pasaría?

2008-08-02T13:09:00.009+01:00

Inaguramos dende o ceo nova sección, imoslle chamar, que pasaría? é a sección da historia ficción, onde relataremos o que pensamos que sucedería en Arzúa, ante calquer outro acontecemento que sucede fora das fronteiras do Concello.

Para comezar esta sección, centrarémonos na traxedia ocurrida en Melide fai uns días onde un camión nun accidente, verqueu 7000 kilos de alquitrán nun río. (Podes seguir o acontecido no blog de Riki)

Agora soltamos a pregunta:
Que pasaría se ese camión se accidentase, por exemplo, no Río Iso en Arzúa?

DÍA 1: PSOE e PP correrían a ver quen gañaba antes a carreira de mandar un comunicado a radio. Sen nen tan sequer mirar o estado do río, nen achegarse ata alí sacarían un comunicado de radio e prensa no que en primeiro lugar pedirían responsabilidades ao goberno.

Día 2: Tras ver a prensa e observar que non lle fan nin puto caso, prenden a Radio sabendo que aí si recollerán as súas demandas.

A páxina web do PP de Arzúa (por non dicir blog que é o que realmente é) actualizaríase co comunicado e cunhas fotos da catástrofe. Porían unha imaxe grande no lado dereito de ALCALDE DIMISIÓN.

Día 3: agardarían con paciencia o ruxe ruxe da poboación e ao ver que non se monta unha revolución comezan a chamar á súa axenda de plataformistas. Da igual polo que sexa, hai un clube de fans sempre disposto a protestar contra o alcalde (sexa por a presencia de Felix, O catalán, a liberdade do Tibet, sexa por o PXOM, a tarifa do lixo, o cambio climático...). Unha vez feitas as pertinentes chamadas, deciden pasar a acción.

Día 4: o responsábel de propaganda do PSOE e das plataformas varias faría o seu traballo. Volantinas nos parabrisas dos coches, en especial e con máis saña nas da xente do BNG de Arzúa. Megafonía todo o día polo pobo chamando á concentración. Entre frase e frase o gran hit de Manolo Escobar "Mi carro".
Os artistas da propaganda escollerían un lema que rimase como por exemplo "Con chapapote non hai defensión" utilizando a palabra favorita desta xente.
A concentración será coma sempre, domingo á saída da misa, para pillar unha foto coa xente saíndo e parecer que eran máis de seis.

Día 5: 40 personas (400 según a plataforma, a oposición e os medios de comunicación) concéntranse na plaza. O público unha vez máis é un público xuvenil. As forzas vivas do pobo reclaman unha vez máis xustiza. Un lider local dos tantos que temos (JP, JCC, ...) colle o micro que lle puxo o Concello e comeza a arremeter contra el. O público aplaude.
Frases como alcalde dimisión, con chapapote non hai defensión, Xaquín Nunca máis, ou BNG al paredón repítense durante media hora.

Días 5, 6, 7, ... ata o 15: todo segue coma sempre, o Concello volve a súa normalidade e o Río Iso xa está limpo. (a pesares de que tardará anos en recuperarse)

Día 15: Pleno ordinario. No turno de palabra da oposición, a portavoz dos indePPendentes fai unha lectura dun comunicado. Poñen ao alcalde caer dun burro, piden a súa dimisión, e despois de chamarlles fascistas ao grupo de goberno, erguense (algúns puño en alto) a berrar a consigna "Con chapapote non hai defensión" o responsábel de propaganda achégase a eles e desprenden unha pancarta no salón de plenos do Concello. A pancarta porá algo totalmente incoherente pero que importa, o importante é berrar.
Día 16: os medios de prensa recollen a noticia.

Día 19 (martes): Tierras de Santiago recolle a nova, e unha "xornalista" danos unha lección de ética, moral, y saber estar, a todos e todas os lectores desa folla parroquia.

A foto da semana

2008-07-22T12:33:00.006+01:00

Inagurabamos o blog coa sección "a frase da semana" continuo cun apartado similar, titularémolo "A foto da semana".
Desta vez, os cosmonautas decidimos que a foto da semana sería unha das tres que ilustran a nova sobre o pleno de Arzúa celebrado o pasado luns. Sinalamos nela os aspectos máis significativos e numerámolos para que ninguén se perda.

Elemento1: Concelleira de AIA. Encargada de ler o "manifesto" xustificando a súa irresponsabilidade de ausentarse do pleno. Cabe dicir que despois de ser socialista de toda la vida (sic.) pasou a ser concelleira do PP cando Manolete lle pideu ir nas súas listas e logo liderou unha escisión (Agrupación Independente de Arzúa, AIA) despois de intentar usurparlle o cargo ao lexítimo sucesor del, o concelleiro N.E.C.
Elemento2: Responsábel de Prensa de asociacións varias (reparte panfletos de plataformas, do Partido do GAL...) é o único non concelleiro na foto. Resulta extraño velo no lugar dos políticos e políticas no pleno.
Elemento3: palabra inventada pola plataforma. "Defensión" dise do acto de ... vai ti a saber. Demostra moi ben quen son estes polític@s a plataforma que representan, amosando que non teñen interese nin pola lingua na que se expresan.
Elemento4: Portavoz do PP e presunta autora do blog oficial deste partido en Arzúa no que se pode ver de todo, comentarios racistas incluídos.
Elemento5: Concelleiro do PSDG-PSOE en Arzúa. Exerceu como concelleiro nacionalista (que non do BNG) noutros momentos da vida municipal. Votou a favor do plan urbanístico do 86 no que non houbo nin exposición pública, nin consensos, nin alegacións nin nada de nada.

Podes ver a nova na que sae a foto na páxina web de La Voz de Galicia.
Podes ver a nova do mesmo tema no Correo Gallego, que tamén ten unha foto sen desperdicio.

Comeza o despegue

2008-07-22T12:19:00.003+01:00

Despois do nacemento, coa primeira entrada, dende Radio Vostok podemos anunciar que o blog comeza a súa andaina definitiva. O despegue do blog será inminente, e agardamos que a misión espacial á que está encomendado saia correctamente, e poida emitirnos sinais en forma de entrada de cando en vez.

De plataformas, PXOMs e Partidos políticos.

2008-07-20T21:33:00.005+01:00

Dende o espazo exterior sorprendémonos cada día máis ao ler a prensa.
Desta vez son as novas que conteñen a expresión «lo más ético y saludable democráticamente» as que chamaron a atención dos nosos cosmonautas.

Poderíamos sinalar esta frase como a frase da semana. E logo?

Porque sen ter nada que ver, o partido do GAL en Arzúa (o PSOE) coa "Plataforma veciñal" (que por ser non é nin plataforma, nin asociación nin nada que vaia máis aló dunha pancarta) ambolos dous se manifestaron nestes termos na prensa.
Manda truco, a verdade e que o termo saudable democráticamente é de coña, é de coña se o di JP (o portavoz do PSOE en Arzúa) ou o di a plataxunta do PXOM.
Alguén podería explicar o significado desa expresión?

En fin, que a estas alturas non enganan a ninguén. Xa aburre o conto. Como dicía algún, mesmos cans, distintos colares (por non dicir mesma merda distinto montón que tamén valdría para o caso.)

«lo más ético y saludable democráticamente»
PSOE dixit. (La Voz de Galicia 19/7)

«lo más ético y saludable democráticamente»
Plataxunta dixit. (El Correo Gallego 20/7)

Hai, probe PP de Arzúa como non espabile, vaille comer o PSOE as papas todas (todas que son dous míseros platiños, - si manolete levantara la cabeza...)

Seguiremos (des)informando.

2008-07-06T15:43:00.001+01:00